Pa 2019, un di e metanan di Gabinete Wever Croes ta pa introduci un sistema fiscal mas simpel y mas husto. Pa por cumpli cu e meta aki, un serie di reforma fiscal a wordo crea, programa pa drenta na vigor dia prome di januari, 2019. Un di e reformanan aki ta encera e impuestonan BBO, BAZV y BAVP, stipulando cu e impuestonan aki no por wordo menciona separadamente den cobransanan, confirmacion di ordonan, y ofertanan, brindando transparencia y consistencia den e prijsnan di mercado. Esaki ta wordo splica den un comunicado di VCC International.
Hopi organisacion local, manera Aruba Hotel & Tourism Association y Aruba Trade & Industry Association, a indica cu lo ta imposibel pa nan tin nan sistema modifica riba un tempo asina cortico. Debi na e protestanan fuerte di e diferente partnernan aki, Gobierno di Aruba a emiti un periodo di gracia di 6 luna p’asina duna e negoshi- y otro organisacionnan mas tempo pa cumpli cu e ley nobo aki.
E principal distribuidor di software aki na Aruba, VCC International, ta orguyoso di anuncia cu nan clientenan ta ekipa caba pa cumpli cu e reforma di impuesto cu e software Exact di VCC, incluyendo nan apps di benta pa tablet pa tuma ordo y cobransanan directo pa nan bendedornan riba caya, como tambe tambe e sistemanan di punto di benta di VCC. Bert Vermaas di VCC International a comenta: “Berdad e deadline di prome di januari por ta mustra abrupto y no alcansabel pa diferente organisacion, pero nos clientenan lo no tin ningun problema of dolro di cabes. Nan tur ta completamente cla debi na e apoyo total di nos team.”
Vermaas a agrega cu aunke no ta tur cliente actualmente lo haci e cambio pa dia prome di januari, mirando cu tin un periodo di gracia, por lo menos nan tur tin un sistema cla. “E situacion aki un biaha mas ta mustra con hopi importante e ta pa tin solucionnan solido, rapido, y mas cu tur cos, apoyo local pa asuntonan di IT.”
Get the article here: https://awemainta.com/clientenan-di-vcc-international-cla-pa-cumpli-cu-reforma-fiscal/
