Bo ta gana algun, bo ta perde algun. Esey ta un hecho di bida. E ta tambe un hecho inevitable den negoshi. Na VCC International, nos ta hayando clientenan nobo constantemente. Pero sigur, nos ta perde un de vez en cuando. E ta sosode. Pero aki ta bin e parti interesante --- di e poco clientenan cu recientemente a dicidi di cambia pa un di nos competidornan, e mayoria ta biniendo bek serca nos.
Na 2015, algun di nos clientenan a tuma e decision di bai cu nan payroll na AFAS, kende nan oficina principal ta situa na e otro banda di lama esta, Hulanda. E mesun clientenan aki awor ta pidiendo pa nan Payroll Pro license wordo reactiva cu nos pa 2016. Pakiko? Aparentemente, nan no por a logra hanja e payroll software funciona pa nan. Un cliente, cu a hasi e cambio for di maart 2015, mester a bin bek toch serca nos despues di 9 luna, pasobra nan no por a logra pone e pakete di software nobo funciona pa nan. Esey ta 9 luna di eror den payroll, 9 luna di frustracion, 9 luna di empleado nan descontento. Kiko AFAS tabata hasi pa resolve e problemanan durante e 9 lunanan? No mucho aparentemente!
E tendencia aki di clientenan cu ta bin bek despues di a experiencia trahando cu un compania situa na Hulanda, ta indica dicon ta asina importante pa tin un partner local pa e payroll di bo compania. Pensé, un compania grandi di exterior no ta bai aloca suficiente recurso pa consistentemente ajusta su payroll software na e cambionan ad hoc cu ta wordo implementa door di nos gobierno local. Pakiko no? Pasobra e no ta nan prioridad. Laga nos bise asina, nan tin pisca mas grandi pa hasa.
Asina ta local ta definitivamente e caminda pa scohe, pero dicon lo bo scohe VCC y no un di e otro companianan (chiquito) pa bo payroll software? Wel e companianan chiquito local aki tin e mesun problema cu e companianan grandi nan den exterior nan no ta bai aloca e recursonan necesario, no pasobra nan no kier (manera e companianan den exterior), pero simplemente pasobra nan no tin nan. Nan ta djis mucho chiquito e demanda ta mucho pa nan y mucho poco empleado pa por cumpli cu bo compania su necesidadnan di payroll.
VCC International ta e unico hungador riba tereno cu ta local y tin suficiente recurso hunto cu nos partner Gamma IT Solutions pa cubri tur bo necesidad nan di bo payroll. Scohe un compania cu ta duna support local y cu ta ofrece bo un software (Payroll Pro) cu ta localmente desaroya pa un compania local (Gamma IT Solutions) cu tur nos leynan den mente. Nos ta reacciona hopi lihe pa duna support pero tambe pa adapta e software na bo necesidad nan si ta necesario. Bo compania ta nos prioridad, y nos tin e team y recursonan pa respalda e prioridad ey.
Anto door cu nos ta ariba e topico di keda local, no laga nos lubida cu ora bo compania ta cumpra producto y servicionan for di companianan den exterior, bo por casi bisa ayo na e placa ey cu bo a inverti pa semper. Cumpra localmente y bo placa ta keda den e economia local y eventualmente e ta circula bek pa bo compania ( y den bo sako).
Nos ta pensa e escogencia ta cla. Ora ta jega na payroll, scohe Payroll Pro.